Skipulagið - Almennar upplýsingar
SVÆÐISSKIPULAG
Svæðisskipulag Mýrasýslu 1998-2010 er í gildi.
Þar er deiliskipulagssvæðið merkt landbúnaðarland,
skógrækt og frístundabyggð.
DEILISKIPULAGSSVÆÐIÐ
Skipulagssvæðið er á Mýrum í Borgarbyggð.
Það er 55,6 ha. Svæðið einkennist af háum klettaborgum
með mýrardrögum á milli.
VATNSVEITA
Vatn og rafmagn er komið að loðamörkum
Borað verður eftir vatni.
Brunnsvæði er í 5m radíus umhverfis brunn og verður
það girt mannheldri girðingu. Grannsvæði er í
30m radíus umhverfis brunn. Á þessu svæði er notkun
á hættulegum efnum og birgðageymslu slíkra efna bönnuð.
Staðsetning borholu, brunnsvæðis og grannsvæðis, verður
sýnd á uppdrætti og skilað til heilbrigðisfulltrúa
og hlutaðeigandi aðila samanber reglugerð nr.536/2001 um neysluvatn.
RAFMAGN
Rafmagn verður lagt um svæðið í samráði
við RARIK.
SORP
Sorpi á að skila í sorpgám á svæði
fyrir sorpgáma á vegum sveitarfélagsins
ROTÞRÆR
Rotþrær verða samnýttar þar sem því
verður við komið, en annars verður rotþró við
hvern bústað og skal hún staðsett innan byggingarreitar
í samráði við heilbrigðisfulltrúa sveitarfélagsins.
Stærð rotþróa miðast við heilsársbúsetu.
Ganga skal frá rotþróm samkv. Byggingarreglugerð nr.441/1998,
og reglugerð nr. 798/1999 og 799/1999 um fráveitur, skólp
og meðhöndlun seyru. Vísað er einnig í leiðbeiningar
Umhverfisstofnunnar um rotþær og siturlagnir (2002).
VEGAKERFI OG BÍLASTÆÐI
Aðkoma er frá þjóðvegi 52, Snæfellsnesveg.
Tveir stofnvegir liggja um svæðið, alls 1375m. Vegur liggur um
þjónustusvæði að Brókarvatni.
FORNLEIFAR
Fornleifafræðistofan sá um deiliskráningu fornleifa
á deiliskipulagssvæðinu. Vettvangsathugn var framkvæmd
af Söndu Sif Einarsdóttur í nóvember 2007. Skráðir
voru 4 minjastaðir, 3 vörður og ein mógröf, á
skipulagssvæðinu. Tekið er tillit til minjastaða í
skipulaginu og þess gætt að minjastöðum verði ekki
raskað. Ef áður ókunnar fornleifar finnast á svæðinu
við uppgröft skal tilkynna það til Fornleifaverndar ríkisins.
Óheimilt er að raska fornleifum sem kunna að koma í ljós
við uppgröft nema að fenginni heimild Minjaverðar Vesturlands.
SKIPULAGSSKILMÁLAR
LÓÐIR
Lóðir eru 37m. Lóðastærð frá 0,57 –
2,30 ha.
Lóðirnar raðast meðfram stofnvegum. Lóðir og byggingarreitir
verða hnitsettar á mæliblað. Lóðir verða
seldar sem eignarlóðir. Svæði utan eignalóða
eru sameign allra lóðaeigenda ( 1/37 á lóð).
BYGGINGARREITIR
Byggingarreitur er afmarkaður á hverja lóð á deiliskipulagsuppdrættinum.
Byggingarreitur er 50 m frá Brókarvatn innan þjónustusvæðis
fyrir 40 m2 þjónustuhús.
FRÁGANGUR LÓÐA
Lóðareigandi skal ganga þannig frá lóðina
eftir byggingaframkvæmdir að ekki sé hætta á uppblástur
í opin sár í gróðurþekjuna eða skemmd
á gróðri
ÞJÓNUSTUSVÆÐI
Þjónustusvæði er skilgreint fyrir frístunda starfsemi
er tengist Brókarvatni. Við Brókarvatn má byggja bátabryggju.
Notkun vélknúinna tækja á Brókarvatni er ekki
leyfileg. Innan byggingarreits þjónustuhúss má geyma
báta, kajaka og bátakerrur. Báta og kajaka má geyma
yfir sumarið við vatnsbakkann.
GÖNGULEIÐIR
Um frístundabyggðina liggur gönguleið um hæstu svæðin
og meðfram vatnsbökkum.
GIRÐIINGAR
Svæðið er girt sameiginlegri girðingu. Ekki er heimilt að
girða einstaka lóðir.
LEIKSVÆÐI
Á þjónstusvæðinu má útbúa
leiksvæði.
BYGGINGARSKILMÁLAR
BYGGINGAR
Grunnflötur frístundahúss skal vera 100-400 m2 og skal það
vera á einni hæð. Frístundahús má vera
ein til þrjár stakar byggingar og skulu þær tengjast
með pöllum eöa skjólveggjum. Hámarks hæð
húss er 4,8 ,. Þakhalli má vera 0° - 45°. Hæð
á gólfplötu má ekki vera meiri en 30 cm yfir frágengið
yfirborð lóðar við húsvegg. Byggingarefni er frjálst
en litaval á útveggjum og þökum skal vera lítið
áberandi. Gólfhæð pallar við hús má
ekki vera meiri en 30 cm yfir frágengið yfirborð lóðar.
Heimilt er að setja lýsing á útveggjum byggingar.
Lýsing skal vera hógvær.
Ríkjandi stefna byggingar skal vera samhliða hæðarlínum.
LÓÐARTAKMÖRK
Lóðamörk verða merkt 50 cm háum ryðfríum
staurum.
ÞJÓNUSTUHÚS
Innan byggingarreits þjónustusvæðis má reisa 40
m þjónustuhús/bátaskýli. Hæð húss
má vera 3 m. Byggingarefni er timbur og skal það vera klætt
dökkum klæðningi. Þjónustuhús er ekki ætlað
til gistingar.